Lefter Çipa: Bilbili i vendeve të mia
Ku peshon më shumë guri ?
Ku s`ka të vdekur burri ?
Peshon në vendin e tija,
ku të flet gjuhën fëmija,
bilbili i vendeve të mia.
O pena me flori larë,
mbi borë lulja e parë,
Zanë yjesh, hënë behari
Ç’u bë Naim këngëtari ?
Gjuhë e zogjve nëpër djepe,
zgjove Kombin dritë derdhe,
O i ëmbli për të gjallë,
i gjalli për Shqipëtarë,
Pak jetove shumë na le,
Shumë more dhe në dhe,
S`të mban dot dheu përbrënda,
Dil nga varri e nis nga kënga!
Nëna jonë shami kuqe,
shtatin mal veshur si nuse.
Shqipëri o shkëmb i sertë,
Ti bilbila i bën djemtë.
Shekujt vijnë e vitet shkojnë,
Naim-djemtë ligjërojnë…
Nga libri ” Shqipëri moj ballëhapur”
Shtëpia botuese ” Naim Frashëri”
Kënduar në FFK Gjirokastër,
1983
Gëzuar Shqipëri
Tek flamuri të jetë syri,
Se aty gjakun e kemi.
Për flamurin punoi gishti,
Nga Ismaili dhe Skënderi…
Shqipëtarët, të gjithë sa janë,
Një djep e një Nënë kanë.
